走失灰鸚鵡

三角仙

本月14號下午5時許,於大窩口 中葵涌村走失灰鸚鵡一隻
由於未有剪翼,最後目視鸚鵡向油麻磡路方向飛去 消失於叢林中
經過1天裡的兩段黃金時間,未聞其叫聲...急於前來求助  (望有心人仕將此訊息散佈到其他論壇,感激)



to:認識三角仙既人
　掙扎左半晚,終於都係要上黎交代件事既!
　"多多"係尼度開始,都要係尼度結束 (希望搵得返啦)
　唔好難過,我既責任
　我冇幫佢剪翼,我睇住佢飛走...我竟然冇捉住佢...

　事由係我幫佢換糧,每日換糧都會放佢係籠頂舒展下
　但係14號果日.....佢周圍行,突然踩到唔穩既野就即刻跳起飛左去...
　我當時換糧,佢就係我頭上面飛出去.. 經過一日之後,我真係好希望佢死左 多過佢依然係外面流浪
　..死左既話,我可以用好平靜既心去接受;同佢一切既經歷可以變成回憶..
　前幾次佢走失,係佢連毛都未出齊  直接就跌落地下~ 哈哈.. 好快,連5分鐘都唔洗就捉返
　但係今次......"點解仲未黎接返我既,點解仲未黎接返我既...."
　飛走左既佢成為我既自責;同佢一切既經歷全都變成遺憾...

　三角仙好硬淨,冇事既~　難過由我全權負責,大家唔好為我難過... 抵死,係我做錯

zero322

祝早日尋回

Mandy

多多!!!!! 快d去搵多多

BB爸爸

要出動鸚鵡樹搜尋隊

carolee

希望快D搵返多多!

sodagreensimon

多多

三角仙

經過兩朝早一黃昏...都未聽到回應
考慮緊降落地點係唔係更遠...........
如果再遠D就真係唔洗搵喇,因為再遠D基本上係成個山頭

金莎朱古力

近唔近我地住的葵涌村呀 ?

manman

祝早日尋回，雖然我唔識你，但都有睇過你嘅post，你雖然好硬淨，但都不要自責，有時意外嘅嘢真係好難預料，最後在此忠心祝福你早日同多多團聚，天氣開始涼啦，快些再去揾多多啦，唔好放棄呀

lowbchu

我係葵芳番工的, 會留意下, 放工可以幫手搵, call埋我呀

三角仙

近唔近我地住的葵涌村呀 ?
金莎朱古力 發表於 2009-10-16 09:21

唔係大窩口邨果一邊,佢飛左去和宜合道運動場個方向
同你地屋企都有一段距離

kaka0304

葵涌同珍對面個山頭~

manman

11# 三角仙

我老公今日係果頭開工，我打比佢叫佢留意下

三角仙

祝早日尋回，雖然我唔識你，但都有睇過你嘅post，你雖然好硬淨，但都不要自責，有時意外嘅嘢真係好難預料，最後在此忠心祝福你早日同多多團聚，天氣開始涼啦，快些再去揾多多啦，唔好放棄呀
manman 發表於 2009-10-16 09:22

最慘叫天不應叫地不聞....雖然冇大海撈針咁難,不過都唔好得去邊
如果飛左入去樹林真係冇咩機會,希望佢降落o係民居啦..

多謝你呀~ 不過的確係有責任...因為失去既唔止係我一個,仲有其他鐘意多多既人

風中飛鸚

1荃灣係我主場~我管轄範圍~點解唔通知我?
2越乖越唔可以失去就越易飛走~
3你現在感受到失鳥的痛楚~看見他的飛翔能力~你再看看我們好多會員~是否覺得他們極度危險?
4走失鸚鵡捉得番係好彩~大多數都捉唔到架~所以一定要100%鎖好丫~
5不要怪自己~百密都有一疏~冇人能夠做到百份百~你已經盡力~
6傷心都要提一次~每當見到你post相~就咁放在籠面~我已經覺得不妙~
7受驚鸚鵡的能力~要親眼見過先明白~同平時兩回事~
8希望奇蹟出現~早日尋回~

風中飛鸚

當時收養幾隻咬毛灰鸚鵡~複原得最好就係"多多"!~最幸福收養人就係你~
你一年入面學到既~得到既~係錢都買唔番經驗~幾錢都買唔番"多多"

HelloWin

飛鸚語重深長... 銘記於心..

請問一隻同主人好老友ge鸚鵡飛走左之後ge心理狀況係點樣??

一飛點解要飛到咁遠, 同點解唔會試下原路飛番番黎??

d雀應該好有方向感..... (幾千里回巢/遷徙都識~~)

?????????????

點解????????????????????????????????????????

(我點解好似咁多問題?? haha)

sodagreensimon

我係和宜合道返工, 我都會幫手留意下~~

唔好放棄, 加油!!!

sodagreensimon

在人工環境長大的鸚鵡, 根本已喪失認路的能力, 試問一個由細到大都唔出街的人, 會唔會識路返屋企吖!!!

三角仙

第一個反應係驚,所以搵左一日先識上黎
知就知佢識飛架喇...因為係屋入面我都試過比佢飛
我都希望第8會發生

煙花果隻好耐冇見,真係唔知佢果隻變成點...
所以鸚鵡咬毛其實唔係一件壞事,不過最好連飛行羽都咬埋...唔好淨係咬身唔咬翼